మా వియ్యంకులు
మా తనయలు
చి.ల.సౌ ప్రణతి, ప్రత్యూషలు
మా అల్లుళ్ళు
చి. రవి చంద్ర, చి. రామకృష్ణలు,
మా వియ్యంకులు
శ్రీమతి కొమర్రాజు శారద గారు,
మహారాజశ్రీ వీరభద్రరావుగారలు,
శ్రీమతి రావెల ఛాయ,
మహారాజశ్రీ హరనాథ బాబు గారలు
పెద్ద కూతురు ప్రణతికి పెరిగె ప్రతిభ
భర్త చందును కలిసిన బహుళ ప్రభన
చిన్న కూతురు ప్రత్యూష సేమ మరయు
రామకృష్ణుడు రావెల రత్న మనగ
వియ్యమందినాము విప్రుల మంత్రాల
కొమర రాజు వారి కొసరు కోరి
మా తనూజ వారి మనసిజ ప్రణతిని
కోడలనరు తమకు కూతు రంద్రు
పడతి ఛాయల హరనాధు బాబుగార్ల
బంధమమరె మాకు బంధులయిరి
హరిని నమ్మినట్టి హరనాథ బాబుకు
సాయు భక్తి ప్రియము సాయి వరము
అసలు చందు, రాము అల్లుళ్ళు అనరాదు
స్వంత కొడుకులైరి సాయ పడుచు
చేర బిలిచి సేవ చేసేటి అల్లుళ్ళు
మమ్ము కొలువ తమకు మక్కు వంద్రు
కుదురు గల్గిన చంద్రుని గూడు చేరి
ప్రణతి ఆనంద భాగ్యాల పరవశించె
రాము కేలంది ప్రత్యూష రమణి యాయె
జంట లెరిగిరి సంసార జలథి ఈత
ఎన్ని జన్మల బంధమో ఎరుగ లేము
ఎన్ని పూజల ఫలమిదో ఎరికెలేదు
కొమర రాజుల, రావెల కొత్త లేని
ఆదరమ్మున మురిశాము అంతు లేక.
మా బావగారు మాన్య శ్రీ కొమర్రాజు వీరభద్ర రావుగారి 75వ వసంతోత్సవ వేళ – నా పద్య హేల
మాకు బందుగులయి మహిమ మీర
కొమర రాజువారు కొంగున బంగారు
కామితార్థ సిధ్ధి కలిగె మాకు
వారి పుత్ర రత్నవాంశుడు చంద్రుడు
అల్లుడయ్యె పెద్ద అల్లుడయ్యె
ప్రణతినిచ్చి వార్కి ప్రణతుల నిడినాము
వియ్య మందినాము నెయ్యమయ్యె
చందు పితవరులకు శతమాన మనగాను
ప్రణతి మామగార్ని ప్రేమగాను
డోలికమ్మ వార్ని దోసిలొగ్గి పిలిచె
ప్లాటినంపు జూబ్లి ప్రాభవాన
అమ్మ శారదాంబ ఆన తిచ్చె
చందు, ప్రణతి, డోలి, బంధువులు కలిసి
విందు చేసినారు పొందు మీర
అస్తు శ్రీరస్తు శుభమస్తు అస్తు రస్తు
సిరులు, ఈప్సితమెల్లయు సిధ్ధి రస్తు
కుసుమ వర్షంబు గగనాన కురియ నేడు
మెచ్చి దేవుళ్ళు ఆశీస్సు లిచ్చు మీకు.
రావిప్రోలు హితులు రమ్య మతులు
దాతృశీలి వారు ధర్మ హితులు
అట్టి వారి ఇంట ఆశ్రయం దొరికెను
నేర్చుకొంటి మేలు నియమ నీతి
శివుడు నాగు రాము సోము చందును రాజు
అరయ తల్లి వారి ఆడపడుచు
కలిసి ఏర్వురైన కలిమిన నన్గూడ
కలుపు కొనిరి తమకు చెలిమి వలన
శివుడు ఆర్కియాలజిలోన శిష్టుడయ్యె
నాగు డాక్టరు రసయన నాడి తెలిసె
రాము రాజులు వార్వారి రంగ విభులు
సోము చందులు మేధల శోధలైరి
దామము, అందు నాకు నిటు దారపు మాత్రపు చోటు నిచ్చె, తా
సోముడు సర్వదా సఖుడు శోక వినాశక రుండు నాకు, ఆ
రాముని సన్ను తింతును విరాజిత వృధ్ధిని వాన్కి గూర్పగాన్
భార్య యైన దమ్మ భాగ్యాన ఉమరాణి
రాము ప్రణయ సీమ రాసక్రీడ
గావి ప్రోలు వారి రాజ్యాన గోవాడ
బావుటాలు వెలిగె బాగుగాను
బాల్య మిత్రులనగ బహుముఖ ప్రాజ్ఞులు
వీరు నాకు సఖులు విప్ర వరులు
చిన్న నాటి నుండి నన్ను వీడని వారు
నాణ్య మతులు ఎన్న నాకు హితులు
శ్రీ గాడిచర్ల బదరీనాధ్ గారు (10-12-1010)
ఏమి కబురులు మధుబాబు ఏమిటయ్య,
కొత్త పాటలు ఏవైన కొన్ని ఇవ్వు
పిల్లలందరి కొఱక”ని పిలిచి అడుగు
బదిరినాథులు బహుదొడ్డ బాంధవుండు
స్వఛ్ఛమైన మనసు, స్వాభిమానులు వారు
ఇచ్చగించరెపుడు ఇచ్చకాలు
సాధు భావులైన సన్మార్గ వర్తులు
హితులు చెప్పు శిష్ఠమతులు వారు
అనుభవాలు ఎన్నొ, అభిమానులెందరో
శిష్యులెందరోను శీఘ్రమనగ
క్రమము తప్పబోని క్రమశిక్షణెంతయో
అడుగ వలదు మాకు అవగతమ్ము
హాస్య చతురులు, సంభాషి, హాస్య ప్రియులు
బాల ఆనంద సంఘాల భాష్య విదులు
బంటి, అల్కల గన్నట్టి భాగ్య శాలి
జీవితాంతమ్ము కళలకు జీవ మయ్యె
అయ్య బదరీనాథు లాత్మీయు లైనారు
పోరి, అడిగి నన్ను ప్రోత్సహించి
పాటలెన్నొ వ్రాసి పాడించి బంటితో
కీర్తి నిచ్చి శేష కీర్తు లైరి
బదిరి నాథులు అసువులు బాసి”రనుచు
విన్న వెంటనె నైరాశ్య వీధిలోన
మనసు సర్వము కోల్పోయి మాటరాక
నిలిచి, నిశ్చేష్ఠ అయిపోయి నింగి జూచె